Termin kartochkasi to'liqligi: 30%
| Terminning o'zbekcha nomi | Ifoda semasi |
| Terminning o'zbekcha etimologiyasi | Ifoda arabcha “ifāda” (إفادة) so‘zidan kelib chiqqan bo‘lib, “bayon qilish”, “anglatish”, “ma’noni yetkazish” degan ma’nolarni bildiradi. Sema yunoncha “sēma” so‘zidan olingan bo‘lib, “belgi”, “ishora”, “ma’no belgisi” degan ma’nolarni anglatadi. Ifoda semasi termini etimologik jihatdan “ifodalashga xizmat qiluvchi ma’no belgisi” yoki “ma’noni yuzaga chiqaruvchi semantik belgi” degan ma’noni bildiradi. |
| Terminning o'zbekcha mazmuniy izohi | Tilshunoslikda ifoda semasi til birligining ma’lum ma’noni ifodalashiga xizmat qiluvchi semantik komponent hisoblanadi. U so‘z yoki boshqa til birligining mazmunini shakllantiruvchi va uni boshqa birliklardan farqlovchi ma’no belgilaridan biri sifatida qaraladi. Masalan: semantik tahlilda so‘z ma’nosi bir necha semalarga ajratilganda, ifoda semasi mazmunning ifodalanishiga xizmat qiladigan belgi sifatida namoyon bo‘ladi. Ifoda semasi deganda semema tarkibida turli qo‘shimcha ma’no (uslubiy bo‘yoq, shaxsiy munosabat, qo‘llanish doirasi va davri)ni atovchi sema tushuniladi. Atash semasi kabi ifoda semasi ham leksema sememani farqlash quvvatiga ega bo‘lgan sema bo‘lib, ular ham leksik paradigmada aniqlanadi. Masalan: yuz va bet leksemasining ifoda semasi o‘zaro qiyosda ochiladi: yuz – inson boshi old tomonining peshonadan iyakkacha bo‘lgan qismining uslubiy betaraf ifodasi; bet – inson boshi old tomonining peshonadan iyakkacha bo‘lgan qismining so‘zlashuv uslubiga xos ifodasi. Bu sememalardagi “uslubiy betaraf” (yuz leksemasidagi) va “so‘zlashuv uslubiga xos” (bet leksemasidagi) semalari uslubiy bo‘yoqni ko‘rsatuvchi ifoda semasidir. Irkit leksemasidagi “salbiy”, noziknihol leksemasidagi “ijobiy” semasi shaxsiy munosabatni ko‘rsatuvchi ifoda semasi bo‘lsa, aeroplan leksemasidagi “arxaik”, sauntrek leksemasidagi “neologism”, buzov leksemasidagi “shevaga xos” semasi qo‘llanish davri va doirasini ko‘rsatuvchi ifoda semasi. Ifoda semasi ham muhim yoki muhim bo‘lmagan turga ajratiladi. Shu boisdan farqlovchi, muhim ifoda semalari ingerent konnotativ sema va muhim bo‘lmagan ifoda semalari adgerent konnotativ sema deyiladi. |
| Termin uchun o'zbekcha misol | — |
| Termin uchun o'zbekcha misol manbasi | — |
| Terminning qirg'izcha nomi | — |
| Terminning qirg'izcha etimologiyasi | — |
| Terminning qirg'izcha mazmuniy izohi | — |
| Termin uchun qirg'izcha misol | — |
| Termin uchun qirg'izcha misol manbasi | — |
| Ko'rishlar soni | 7 |