Termin kartochkasi to'liqligi: 30%
| Terminning o'zbekcha nomi | Nomlovchi birliklar |
| Terminning o'zbekcha etimologiyasi | Nomlovchi birliklar termini ikki asosiy qismdan tarkib topgan: nomlovchi va birliklar. Nomlovchi so‘zi nom asosiga -la fe’l yasovchi va -uvchi shakl yasovchi qo‘shimchalarning qo‘shilishi orqali hosil bo‘lib, “nom beruvchi, atovchi” ma’nosini anglatadi. Birlik esa tilshunoslikda muayyan vazifani bajaruvchi lisoniy element ma’nosida qo‘llanadi. Termin mazmunan nominativ birliklar tushunchasi bilan bog‘liq bo‘lib, ularning asosiy vazifasi borliqdagi narsa, hodisa, belgi, harakat va tushunchalarni nomlash va atashdan iborat. O‘zbek tilshunosligiga oid manbalarda mustaqil so‘zlar, qo‘shma so‘zlar, iboralar va atamalar nomlovchi birliklar sifatida ko‘rsatiladi. |
| Terminning o'zbekcha mazmuniy izohi | Nomlovchi birliklar – borliqdagi predmet, hodisa, shaxs, belgi, harakat, holat va tushunchalarni nomlash, atash hamda ular haqida tushuncha hosil qilishga xizmat qiladigan til birliklaridir. Ular tilning nomlash (nominativ) vazifasini amalga oshiradi. Tadqiqotlarda nomlovchi birliklar tilning nomlash birliklari sathi sifatida qaralib, xabarlovchi birliklardan farqlanadi. Nomlovchi birliklarning eng tipik ko‘rinishi so‘z yoki leksema hisoblanadi. Masalan: kitob, daraxt, o‘qituvchi, bilim, go‘zallik, ishlamoq kabi birliklar muayyan predmet, shaxs, tushuncha, belgi yoki harakatni ataydi. Shu bilan birga, qo‘shma nomlar, iboralar va terminlar ham nomlovchi birliklar tarkibiga kirishi mumkin: temir yo‘l, oliy ta’lim, sun’iy intellekt, oq oltin kabi. Nomlovchi birliklarning mazmuniy tarkibida denotativ va konnotativ ma’nolar ham namoyon bo‘lishi mumkin. Shu sababli ular faqat narsaning nomini berib qolmay, ayrim hollarda unga nisbatan baho, munosabat yoki qo‘shimcha tasavvurlarni ham ifodalaydi. O‘zbek tilshunosligida nomlovchi birliklarning semantik tabiati, ularning denotativ va konnotativ semalari alohida tadqiq etilgan. |
| Termin uchun o'zbekcha misol | — |
| Termin uchun o'zbekcha misol manbasi | — |
| Terminning qirg'izcha nomi | — |
| Terminning qirg'izcha etimologiyasi | — |
| Terminning qirg'izcha mazmuniy izohi | — |
| Termin uchun qirg'izcha misol | — |
| Termin uchun qirg'izcha misol manbasi | — |
| Ko'rishlar soni | 3 |