Termin kartochkasi to'liqligi: 30%
| Terminning o'zbekcha nomi | Numerativlar |
| Terminning o'zbekcha etimologiyasi | Numerativlar termini lotincha numerus – “son”, “hisob”, “miqdor” ma’nolarini anglatuvchi so‘zdan kelib chiqqan numerativ atamasining ko‘plik shaklidir. Numerativ atamasi miqdor va sanash tushunchasi bilan bog‘liq bo‘lib, tilshunoslikda sanashda, narsalarni hisoblashda o‘lchov yoki hisob birligi vazifasini bajaruvchi birliklarni ifodalash uchun qo‘llanadi. O‘zbek tilshunosligida numerativlar son bilan ot o‘rtasida kelib, sanalayotgan predmetning miqdorini, o‘lchovini yoki hisoblash birligini aniqroq ifodalashga xizmat qiladi. |
| Terminning o'zbekcha mazmuniy izohi | Numerativlar – predmetlarning miqdorini sanash, hisoblash yoki o‘lchashda son bilan predmet nomi o‘rtasida qo‘llanib, ularning hisob birligini, o‘lchovini yoki miqdoriy xususiyatini ifodalovchi so‘z va birliklardir. Ular, ayniqsa, aniq miqdorni predmetning tabiiy yoki shartli hisob birligi orqali ko‘rsatishda muhim ahamiyatga ega. Masalan: ikki dona kitob, besh nafar talaba, uch bosh qo‘y, o‘n tup daraxt, bir juft oyoq kiyim, ikki qop un, bir litr sut kabi birikmalarda dona, nafar, bosh, tup, juft, qop, litr birliklari numerativ vazifasida kelgan. Numerativlar sanalayotgan predmetning xususiyatiga qarab turlicha bo‘ladi. Nafar odatda shaxslarni, bosh hayvonlarni, tup o‘simliklarni, dona esa turli predmetlarni hisoblashda ishlatiladi. Juft, dasta, bog‘, guruh, to‘da kabi birliklar esa predmetlarning miqdori bilan birga ularning muayyan shaklda yoki to‘plam holida hisoblanishini ham ifodalashi mumkin. Numerativlar oddiy sonning o‘zidan farqli ravishda nimaning qancha ekanini aniqroq belgilashga yordam beradi. Masalan: uch kitob birikmasida miqdor bevosita son orqali ifodalansa, uch dona kitob birikmasida dona so‘zi hisob birligini ko‘rsatib, miqdoriy munosabatni yanada aniqlashtiradi. |
| Termin uchun o'zbekcha misol | — |
| Termin uchun o'zbekcha misol manbasi | — |
| Terminning qirg'izcha nomi | — |
| Terminning qirg'izcha etimologiyasi | — |
| Terminning qirg'izcha mazmuniy izohi | — |
| Termin uchun qirg'izcha misol | — |
| Termin uchun qirg'izcha misol manbasi | — |
| Ko'rishlar soni | 4 |