info@gmail.com +998 99 741 35 23

Rasmiy ish uslubi — Расмий-иштиктүү стиль

Termin kartochkasi to'liqligi: 60%

Lug'atga qaytish
Terminning o'zbekcha nomiRasmiy ish uslubi
Terminning o'zbekcha etimologiyasi“Rasmiy ish uslubi” termini “rasmiy”, “ish” va “uslub” so‘zlaridan tashkil topgan. “Rasmiy” arabcha rasmiy so‘zidan kelib chiqqan bo‘lib, “rasm-rusumga oid”, “belgilangan tartibga muvofiq”, “qonuniy” kabi ma’nolarni anglatadi. “Ish” turkiy asosli so‘z bo‘lib, “faoliyat”, “vazifa”, “mehnat” kabi ma’nolarni bildiradi. “Uslub” arabcha uslub so‘zidan o‘zlashgan bo‘lib, “yo‘l”, “usul”, “ifoda yoki bayon tarzi” ma’nolarini anglatadi. Shu asosda “rasmiy ish uslubi” termini davlat va ma’muriy boshqaruv, huquqiy hamda ish yuritish faoliyatida qo‘llanadigan muayyan bayon va ifoda usulini bildiradi.
Terminning o'zbekcha mazmuniy izohiRasmiy ish uslubi davlat idoralari, tashkilotlar, korxonalar va turli muassasalarning hujjat yuritish hamda rasmiy munosabatlarida qo‘llanadigan funksional uslub turidir. Ushbu uslubning asosiy vazifasi rasmiy axborot, huquqiy munosabat, buyruq, ko‘rsatma, ariza, ma’lumotnoma, bayonnoma, dalolatnoma, xizmat xati va boshqa hujjatlarni aniq, ixcham hamda belgilangan me’yorlar asosida ifodalashdan iborat. Rasmiy ish uslubi aniqlik, mantiqiylik, xolislik, ixchamlik, standartlik va qoliplashgan ifodalarning keng qo‘llanishi bilan ajralib turadi. Unda hissiy-ekspressiv birliklar, obrazli ifodalar va noaniq mazmundagi so‘zlardan imkon qadar foydalanilmaydi. Fikr muayyan tartib va hujjat shakliga muvofiq, tushunarli hamda bir ma’noli tarzda bayon qilinadi. Masalan: Ariza ko‘rib chiqish uchun tegishli bo‘limga yuborildi. Mazkur buyruq imzolangan kundan e’tiboran kuchga kiradi. Yig‘ilish bayonnomasi tasdiqlandi. Ushbu gaplarda rasmiy ish uslubiga xos bo‘lgan aniqlik, xolislik va qoliplashgan ifoda shakllari namoyon bo‘ladi. Rasmiy ish uslubida mazkur, tegishli, muvofiq, asosan, belgilangan tartibda, qaror qilindi, tasdiqlansin, ijro uchun yuborilsin kabi rasmiy-qoliplashgan birliklar faol qo‘llanadi. Shuningdek, huquqiy, ma’muriy va tashkiliy munosabatlarga oid terminlar ham ushbu uslubning muhim leksik qatlamini tashkil etadi.
Termin uchun o'zbekcha misol—
Termin uchun o'zbekcha misol manbasi—
Terminning qirg'izcha nomiРасмий-иштиктүү стиль
Terminning qirg'izcha etimologiyasiРасмий-иштиктүү стиль термини үч сөздөн түзүлгөн. Расмий — араб тилиндеги расм сөзүнө байланыштуу. Расм – каада, тартип, белгиленген жол деген маанилерди билдирет. Иштиктүү – иш + -тик + -түү, башкача айтканда, ишке, кызматка байланыштуу. Стиль – латынча stilus сөзүнөн келип, алгач жазуу үчүн колдонулган учтуу таякча деген маанини билдирген; кийин жазуу, баяндоо ыкмасы маанисине өткөн.
Terminning qirg'izcha mazmuniy izohiРасмий-иштиктүү стиль – мамлекеттик мекемелерде, уюмдарда, ишканаларда жана мекемелер аралык мамилелерде расмий документтерди түзүүдө жана иш кагаздарын жүргүзүүдө колдонулган функционалдык стиль. Бул стилге: • тактык; • кыска жана нуска баяндоо; • объективдүүлүк; • стандарттуу формалар; • расмий терминдердин колдонулушу мүнөздүү. Мисалы: «Бул буйрук кол коюлган күндөн тартып күчүнө кирет.», «Жыйындын протоколу бекитилсин.»
Termin uchun qirg'izcha misol—
Termin uchun qirg'izcha misol manbasi—
Ko'rishlar soni4