Termin kartochkasi to'liqligi: 30%
| Terminning o'zbekcha nomi | Shart fe’li |
| Terminning o'zbekcha etimologiyasi | “Shart fe’li” termini shart va fe’l so‘zlaridan tashkil topgan. Shart so‘zi arabcha sharṭ (شرط) so‘zidan o‘zlashgan bo‘lib, “talab”, “biror ishning amalga oshishi uchun zarur bo‘lgan holat”, “muayyan sharoit” ma’nolarini bildiradi. Fe’l so‘zi arabcha fi‘l (فعل) so‘zidan o‘zlashgan bo‘lib, “ish”, “harakat”, “amal” ma’nolarini anglatadi. Tilshunoslikda fe’l harakat yoki holatni bildiruvchi va zamon, shaxs-son, mayl kabi grammatik kategoriyalarga ega bo‘lgan so‘z turkumini anglatadi. Shu asosda shart fe’li atamasi “shart ma’nosini ifodalovchi fe’l shakli” mazmunini bildiradi. |
| Terminning o'zbekcha mazmuniy izohi | Shart fe’li – harakat yoki holatning amalga oshishi muayyan shartga bog‘liqligini bildiruvchi fe’l shakli. O‘zbek tilida shart fe’li, asosan, fe’l negiziga -sa qo‘shimchasining qo‘shilishi orqali hosil qilinadi: borsa, kelsa, o‘qisa, ishlasa, aytsa. Shart fe’li bir harakatning bajarilishi yoki bajarilmasligini boshqa bir harakat yoki holatga bog‘laydi. Masalan: “Vaqting bo‘lsa, biznikiga kel”. Bu gapda bo‘lsa shakli vaqtning mavjudligini kelish harakatining sharti sifatida ifodalaydi. “Ko‘p o‘qisang, yaxshi natijaga erishasan” gapida esa o‘qisang shakli yaxshi natijaga erishish uchun zarur bo‘lgan shartni bildiradi. Shart fe’li shaxs-son qo‘shimchalarini qabul qilib, turli shaxslarni ifodalashi mumkin: borsam – I shaxs birlik; borsang – II shaxs birlik; borsa – III shaxs birlik; borsak – I shaxs ko‘plik; borsangiz – II shaxs ko‘plik; borsalar – III shaxs ko‘plik. Shart fe’li ko‘pincha shart ergash gapning kesimi vazifasida keladi: “Agar vaqt topsam, kutubxonaga boraman”. Bunda topsam shartni, boraman esa shu shart asosida yuzaga keladigan natijani bildiradi. Shart fe’li shartli mayl bilan bevosita bog‘liq. Biroq termin sifatida shart fe’li fe’lning -sa shakliga, shartli mayl esa shu shakl orqali ifodalanadigan grammatik mayl ma’nosiga urg‘u beradi. |
| Termin uchun o'zbekcha misol | — |
| Termin uchun o'zbekcha misol manbasi | — |
| Terminning qirg'izcha nomi | — |
| Terminning qirg'izcha etimologiyasi | — |
| Terminning qirg'izcha mazmuniy izohi | — |
| Termin uchun qirg'izcha misol | — |
| Termin uchun qirg'izcha misol manbasi | — |
| Ko'rishlar soni | 4 |